Portuqaliya Azərbaycanın müstəqilliyini 7 yanvar 1992-ci il tarixində tanımışdır. İki ölkə arasında diplomatik münasibətlər 5 iyun 1992-ci il tarixində qurulmuşdur.
Azərbaycan Portuqaliya ilə münasibətlərin inkişafına əhəmiyyət verir və iki ölkə arasında əməkdaşlıq siyasi, iqtisadi və humanitar sahələri əhatə edir.
Azərbaycanın Müqəddəs Taxt-Tacdakı Səfirliyi eyni zamanda Portuqaliyada akkreditə olunmuşdur. Səfir İlqar Yusif oğlu Muxtarovdur. 16 Aprel 2024-cü il tarixində etimadnaməsini Portuqaliya Respublikasının Prezidenti cənab Marselo Rebelo de Sousaya təqdim etmişdir.
4 may 2015-ci il tarixindən etibarən Portuqaliyanın Bakı şəhərində diplomatik nümayəndəliyi fəaliyyət göstərir. Portuqaliya Respublikasının Ankara şəhərindəki səfiri, eyni zamanda Azərbaycan Respublikasına akkreditə olunmuşdur.
Dövlət başçılarının qarşılıqlı səfərləri
- Azərbaycan Respublikasının Prezidenti Heydər Əliyev:
2-3 dekabr 1996-cı il (işgüzar səfər)
- Azərbaycan Respublikasının Prezidenti İlham Əliyev:
20-21 noyabr 2010-cu il (işgüzar səfər)
Xarici işlər nazirlərinin qarşılıqlı səfərləri
- Portuqaliya Respublikasının xarici işlər naziri Xaime Qama:
11-12 iyul 2001-ci il (rəsmi səfər)
7 mart 2002-ci il (işgüzar səfər)
- Portuqaliya Respublikasının xarici işlər naziri Luis Amado:
15 iyul 2010-cu il (işgüzar səfər)
- Portuqaliya Respublikasının xarici işlər naziri Paulo Portaş:
27-29 iyun 2012-ci il (rəsmi səfər)
- Azərbaycan Respublikası xarici işlər naziri Ceyhun Bayramovun 2025-ci ilin sentyabr ayında BMT Baş Assambleyasının 79-cu sessiyasının yüksək səviyyəli həftəsi çərçivəsində Portuqaliya Respublikasının xarici işlər naziri Paulo Rangel ilə görüşü keçirilmişdir.
Parlamentlərarası əlaqələr
Milli Məclisdə Azərbaycan-Portuqaliya parlamentlərarası əlaqələr üzrə işçi qrupu fəaliyyət göstərir, qrupun rəhbəri Samir Vəliyevdir.
Müqavilə-hüquq bazası
Azərbaycan Respublikası və Portuqaliya Respublikası arasında 3 sənəd imzalanmışdır.